ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្រ្តីថាកម្មវិធីជាតិបណ្តុះបណ្តាលជំនាញវិជ្ជាជីវៈដល់យុវជនប្រៀបដូចជាបង្រៀនពលរដ្ឋឱ្យចេះស្ទូចត្រី

  • ចុះផ្សាយថ្ងៃទី១៤ ខែវិច្ឆិកា ឆ្នាំ២០២៣ ម៉ោង ១៥:១៨ នាទី ដោយ Hun Sirivadh
  • 2237
  Aa |   aA

ភ្នំពេញ៖ នាយករដ្ឋមន្ត្រី សម្ដេចធិបតី ហ៊ុន ម៉ាណែត បានថ្លែងថាកម្មវិធីបណ្ដុះបណ្ដាលជំនាញវិជ្ជាជីវៈដល់យុវជនមកពីគ្រួសារក្រីក្រនិងគ្រួសារងាយរងហានិភ័យប្រៀបបានដូចជាជីកស្រះធំដើម្បីចិញ្ចឹមត្រីនិងបង្រៀនពួកគេឱ្យចេះស្ទូចត្រី។

ថ្លែងក្នុងកម្មវិធីប្រកាសផ្លូវការនូវរបបសន្ដិសុខសង្គមផ្នែកថែទាំងសុខភាពតាមរបបភាគទានដោយស្ម័គ្រចិត្ត និងកម្មវិធីបណ្ដុះបណ្ដាលជំនាញវិជ្ជាជីវៈបច្ចេកទេសដល់យុវជនមកពីគ្រួសារក្រីក្រនិងងាយរងហានិភ័យនៅថ្ងៃអង្គារ៍ ទី១៤ ខែវិច្ឆិកា ឆ្នាំ២០២៣នេះ សម្ដេចធិបតី ហ៊ុន ម៉ាណែត បានលើកឡើងថាកម្មវិធីបណ្តុះបណ្តាលនេះនឹងធ្វើយុវជនមកពីគ្រួសារក្រីក្រនិងងាយរងហានិភ័យមានជីវភាពល្អប្រសើរដោយរក្សាបាននូវស្ថេរភាពនិងកំណើន ដោយថាពួកគេនឹងទទួលជំនាញប្រចាំជីវិតពិតប្រាកដឆ្លើយតបបានតាមតម្រូវការទីផ្សារការងារដែលនឹងលើកកម្ពស់កម្រិតជីវភាពរស់នៅរបស់គ្រួសារ ចាកផុតពីភាពក្រីក្របាន។

សម្តេចធិបតីបន្តឱ្យដឹងថា បច្ចុប្បន្នរាជរដ្ឋាភិបាលកំពុងតែឧបត្ថម្ភសាច់ប្រាក់ដល់គ្រួសារក្រីក្រជាង ៧០ម៉ឺនគ្រួសារនិងគ្រួសារងាយរងហានិភ័យជាច្រើនគ្រួសារទៀត ដែលនេះគឺគ្រាន់តែជាការជួយចំពោះការលំបាកចំពោះមុខប៉ុណ្ណោះមិនអាចធ្វើឱ្យពួកគេមានភាពរឹងមាំសម្រាប់កសាងជីវភាពនោះទេ។

សម្តេចធិបតីបន្តថា៖ «ជារួមការដាក់ចេញនៅកម្មវិធីបណ្ដុះបណ្ដាលជំនាញជីវិជ្ជាជីវៈនិងបច្ចេកទេសនេះគឺជាការខិតខំរបស់រាជរដ្ឋាភិបាលដើម្បីជួយបង ប្អូនប្រជាពលរដ្ឋនៅក្នុងគ្រួសារក្រីក្រនិងគ្រួសារងាយរងហានិភ័យអាចមានចំណេះដឹងចំណេះធ្វើនិងអាចស្វែងរកការងារធ្វើដោយខ្លួនឯងប្រៀបបានដូចជាជីកស្រះធំដើម្បីចិញ្ចឹមត្រីនិងបង្រៀនបងប្អូនដែលចេះស្ទូចត្រី។ វានឹងផ្ដល់ឱកាសនិងសិទ្ធិដល់បងប្អូននូវជម្រើសរបស់បងប្អូនក្នុងការចាប់ត្រីដោយខ្លួនឯងក្នុងការចាត់ចែងដោយខ្លួនឯង»។

រដ្ឋមន្ត្រីការងារលោក ហេង សួរ បានលើកឡើងថាក្នុងការបណ្ដុះបណ្ដាលនេះក្រសួងបានកំណត់យកជំនាញចំនួន ៣៨មុខដើម្បីបណ្ដុះបណ្ដាលរាប់ចាប់ពី សំណង់ អគ្គិសនី កម្មន្តសាល កសិកម្ម រហូតដល់ព័ត៌មានវិទ្យា ដែលសិស្សអាចដាក់ពាក្យនៅតាមអនឡាញ ឬតាមគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈដោយផ្ទាល់ មន្ទីរការងារ និងមជ្ឈមណ្ឌលការងាររាជធានីខេត្ត និងមជ្ឈមណ្ឌលការងារចល័តរបស់ទីភ្នាក់ងារជាតិមុខរបរនឹងការងារ។

នាយករដ្ឋមន្ត្រី សម្ដេចធិបតី ហ៊ុន ម៉ាណែត បានជំរុញដល់ក្រុមគ្រួសារ និងយុវជនផ្ទាល់ដាក់ចិត្តសិក្សាឱ្យបានចប់ចុង ចប់ដើម ដើម្បីទទួលបាននូវចំណេះដឹង ចំណេះធ្វើពិតប្រាកដ ខណៈការបណ្ដុះបណ្ដាលនេះមានគោលដៅគ្រប់ដណ្ដប់ដល់យុវជនកម្ពុជាដែលជាកម្លាំងនៃសេដ្ឋកិច្ចជាតិដល់ទៅ ១លាន ៥សែននាក់៕


ព័ត៌មានជាច្រើនទៀតសម្រាប់អ្នក